Espresiones rellacionaes col perru

Espresiones rellacionaes col perru

Notapor Xira » Sab Feb 21, 2009 11:11 am

Sacaes del Diccionariu de la Llingua Asturiana (DALLA)

A cara perru: con descaru
A perru puestu: xixilando
Andar a palos cola perra: andar con priesa
Cagar la perra en camín: salir mal daqué qu'esperaba salir bien
Cayer la cruz del perru: venir munches necesidaes
Como la fiel de perru: mui amargu
Como un perru: sufrir permuncho
Como un perru sentáu: baxu
Como'l perru y el gatu: llevase mui mal
Dir bañar el perru: cuando una persona repuna muncho, pa que dexe tar tranquilu a ún
Echar el perru: reñer
Echar la gata al perru: perder el tiempu
Echar pan al perru pa que nun muerda: tener contentu a daquién que pue perxudicar
Lladrar la perra: cuando daquién se pon ñerviosu por ver a una persona
Mandar a bañar el perru: cuando una persona repuna muncho, pa que dexe tar tranquilu a ún
Mordíu de la perra: doliosa una parte del cuerpu dempués de facer exerciciu
Perru amarráu: dineru que se debe
Perru falderu: persona mui dominada por otra
Pexe perru: pexe de calume, de boca y güeyos pergrandes
Salir la perra mal capada: cuando sal mal daqué
Salir perra daqué: cuando sal mal daqué
Tener canielles de perru: caminar bien
Un perru: nada
Unviar a bañar el perru: cuando una persona repuna muncho, pa que dexe tar tranquilu a ún
Avatar de Usuario
Xira
 
Mensajes: 15
Registrado: Jue Ene 01, 2009 11:57 am
Ubicación: Xixón

Volver a Aforismos

¿Quién está conectado?

Usuarios navegando por este Foro: No hay usuarios registrados visitando el Foro y 2 invitados

cron